Kumang Sadinang: February 2013

Sunday, February 3, 2013

Terima Kasih....Tuhan merekat ka kita

Terima kasih ngagai penatai bala kami sebilik ti bisi nemuai nyenguk ngabas bala kami ti sakit. Maioh bala kaban datai, Kuching, Miri, KL, Betong, KL and Canada. Penatai kita enda ngira jaoh tauka semak endang di kenang aku enggau bala anak-anak enggau bala kami sebilik ti bukai.

Thankyou to all relatives & friends for your prayer and visits. Terima kasih mega ngagai bala Paderi ti enda ngetu-ngetu besembiang datai ke rumah kelebih agi Rev. Father Alfred, Rev. Ramden, SD Augustine and others....Enda ulih malas budi bala kita, Tuhan aja ulih merekat ke kita enggau pengerai, pengerindu enggau pengelantang. Diatu tudah ti sakit nya nyau mupuk gerai, minta Tuhan selalu ngemata nerekun bala kami kelebih agi kami ti ngintu ia awaka kami bulih pengerai enggau pengelantang.

Sekeda ari gambar bala ti bisi datai, enti sema gambar kita tu nadai ditu ukai retinya aku enda ingat tang meh leboh kita ti datai nyenguk nyau enda ingat begambar.

home theraphy

MWF friends visit

sis Umang, Aunty Pat from Canada, KS and Aunty Wendy from KL

Family dinner

Sayau Pemadu Sayau.......you'll be missed by many!!

Dear February,

Please be good to me and to all my dearest family & friends. Bulan January baru limpas, tu nyau udah bulan February 2013. Maioh macham pengawa ba bulan 1, bisi nya nikah, ngintu hari pengada, sakit enggau pemati.

Aku ditu ngenang penusah, penusah sakit enggau penusah pemati siko pangan aku ti benama Marjorie Dunggatt fondly remembered as Wee... Pangan aku tu tau di kumbai ari biak kami duai begulai. Maioh macham pengawa di kerja kami duai sama-sama. Kami duai nyau ka serambau semina ia tuai setaun ari aku. Kami duai datai ngiga pengidup di menua Miri tu sama taun. Lepas kami duai ti sekula baru, dia kami duai sama-sama bulih pengawa kerja ba kompeni. Kami duai mega, belajar driba sama sama lalu sama instructor ti ngajar, rumah kami duai berimbai, nurun kerja sama kadang enda. We laugh together, sleep together, and we care for one another.

Kenaka 8.1.2013, tekenyit ninga berita ia tak udah nadai. Ninga meh aku ia ti sakit, bisi aku betalipon enggau ia maia ia ti masuk ba spital KL, tang aku enda nyangka ia ngenyampat nya ninggal ka dunya tu. Sinu naka ka sinu, enda aku nyangka ia ngemandaknya seput. Kasih meh tudah anak ia enggau sida sebilik ti bukai di tinggal ka nuan Wie. Anak bujang nuan naka ka penyigat lalu mereti, lalu anak indu nuan bajik baka gamal nuan. Sayau meh nuan menyadi enda panjai umur, enda pia nuan di ining orang laban penyamai nuan diau nadai utai ke nadai. Nuan enda ngasai penyamai di tupi bala anak nuan. Enti nitih ke pemerinsa ati nuan ti ngidup ka bala anak nuan, anang meh nuan ninggal keh sida tumu bakatu, tang taja pia, aku nemu nuan sigi lantang ati meda bala kami enggau bala anak and menyadi nuan ari atas. Iching perening meh bala kami ti di dunya injau tu kelebih agi bala anak nuan.

May you rest in peace Wee......till we meet again in another world!!!