Selamat Hari Raya Aidilfitri

Di tuju aku ngagai bala kaban ti bansa Melayu, Selamat Hari Raya ngagai kita wai, arap Raya taun tu mai berkat ngagai kita sebilik, pengelantang enggau penyenang ti tau nyerakup ka semua bansa.  Lalu mega Selamat Nyambut Merdeka ngagai semua anak Malaysia. 

I was born in Malaysia, raised in Malaysia, lived in Malaysia, therefore, we should be proud of to be a Malaysian. We in Malaysia come together in one spirits to celebrates Gawai Dayak, Chinese New Year, Deepavali, Christmas and Hari Raya where you cannot find it in other places rather than in Malaysia.

Enti kita ngabang ngagai pangan kita ti bansa Melayu ba Hari Raya tu anang mabuk urin.  Enti bansa kitai...ah..mesti ka bisi cap AH!! nama nadai enda sah keno ....tang diatu pengawa nya lama udah di tinggal keh kami, kami nadai maksa orang ngihup ai ahak nya agi...kami diatu mehi uhang ngihup ai buah (fresh juice) enggau teh gadung ...(green tea)  ha.h.a.h.a.

Enti ka ngabang peda manah ke kasut kita enggai keh pulai salah bai orang.  Ditu berapa koleksi kasut ti tau di injau kita.. sebedau ngabang......ku pandang...pandang, ku pegang...pegang...sangat menawan ......mana satu nak ku pilih........

Birthday....Darell

Jampat jam beputar....keno ka lagu penyanyi Iban.  Amat munyi ko leka lagu tu..aku siko ari orang ti rindu ke lagu tu tang aku enda nemu sapa penyanyi ia..h.a.ha. 

Amat enda berasai bulan beganti bulan, taun beganti taun peda aku udah bujang ia, gamal ga sigat tau di kumbai baka keling.  Asai ti agi mit tang meda tudah nyau udah 2nd year degree belajar university semak ditu, ia ngambi Chemical Engineering.  Being a Godmother to him, I was so happy and proud and it's my pleasure to be with him celebrating his 22nd birthday. 

Selamat Hari Pengada ngagai nuan Darell, may Lord continue to bless you with good health, happiness and guide you especially in your study always.

Darell's birthday cake

1-2-3-blow...yea...yea....sigh!!

look at his finger...peace!!! it's twenty-two

group photo is a must with his family members

Birthday boy with his siblings...super junior 4



Birthday Boy with his Aunty Wen, KS, and his mother



SIDS Miri 20th anniversary celebrations - Part 3

Ba Part 3 tu aku ngenang lalu mandangka sekeda ari gambar ti bisi di ambi aku malam nya.

Pengabang datai berengkah ari pukul 6.oo malam, lalu ia ti dipebasaka, President Sarakup Indu Dayak Sarawak Datuk Sri Puan Empiang Jabu masuk ke dewan di iring bala anak anak SIDS Miri ti bepakayan ngena baju ngepan kitai Iban.  Udah sida VIPsssss tu masuk duduk ba tempat ti di tagaka sida, dia bala anak SIDS tu lalu ngajat ngelalu ke temuai ba panggau.

Program udah nya bala SIDS Miri balagu koir enggau lalu di tampung enggau pengawa melah kueh ari pengada SIDS Miri ke 20 taun udah di tumbuh ka di Miri.  SIDS pampang Miri mega bisi mantai ka ngajat indu kena ngulu ke pampang bukai.  Bisi 13 pampang seluruh Sarawak bisi datai ngulu pengerami kami tu. Ba pengujung program, orang ti menang pekit ngajat tu ari SIDS Betong, di entudika SIDS Bintulu enggau SIDS Sri Aman.  Bela landik sida tu ngajat. Malamnya mega bisi meri pemberi ngagai bala anak Sarakup ti manah dalam pelajar skula, kami mega bisi ngiru SK Tudan endor kami nulong bala anembiak ti kurang penatai pemisi.

Aku ngari ke bala SIDS Pampang Miri, meri besai terima kasih ke penatai bala kitai ti bisi enggau berami leboh ti ngintu hari 20 taun tu.  Enti baka anak mensia, 20 taun tak benong manah gamal tang laban tu ti Sarakup Indu, kami ke dia pun nyau memanah, umbas ia umur bala kami, tang taja pia, kami sigi enda ngetu ngetu ngangau nesau bala raban indu kitai Iban ti diau di Miri ditu sama sama meh kitai enggau masuk SIDS tu awaka kitai tau maioh agi tubuh lalu begempung ngerja pengawa ti tau ngemansang ka raban bala kitai indu Dayak kelebih agi bansa Iban.

program booklet-asil kerja KS

Shirley,Benika, KS and Doria

Bala SIDS Kuching

Mija VIP No.2 with Puan Regina wife of YB Lawson Chuat

Begambar sama enggau bala SIDS Kuching

Sis Beri, Clara, Sis Shirley and Apphia

forever young group-Remie, Agnes, Itie and Dari

kawan lama KS ti udah pindah ke Sri Aman-Puan Phyllis

Group SIDS ari Betong

Princess KS -Beb and her cousin Gal

Anak SIDS ti ngajat, Claudinelly, Clara, Apphia and Wendy

speech from SIDS Miri Chairlady Jenny Jeli

speech by Datuk Sri Empiang Jabu

nyua ke pemberi ngagai Chairlady semua Pampang SIDS

VIP table No.3, Datuk and Datin Peter Chin, Datuk Temenggung Hassan Sui and wife

pemberi ngagai Puan Sri EJ

Jasa mu di kenang, tu meh pemberi ngagai bala raban SIDS Miri ti udah lama enggau masuk member enggau mega bala ti nadai agi begulai enggau kitai baka Mdm Bridgett Jinggut, Seloma-Resli and Linda Nicol-Nuing

SIDS Miri 20th anniversary celebrations - Part 2

Sambung ari Part I, sepengudah aku enggau bala ti ngambat sida ti datai ari Kuching, dia deh aku bisi mai bala sida ti datai ari Betong brakpas paginya ba 2020.  Maia kami ti benong nyamai nyirut keh mee lalu makai dim-sum dinga utai tak merentup laboh, peda kami tak tokeynia nya ti ngaga mee rebah, keno ko sida ia nya ngelu pala.  Tak siuh meh mija ti endor ia ngengkah mee nya abis laboh ngagai kaki lima kedai nya, nasib mija kami jaoh mimit arinya tang mija ti semak ia ti ngaga mee nya kena. Kami mega nasib amat udah datai mee, laksa, enggau mee-hoon ti di order kami sebedau utai tu nyadi...enti enda pia...tst lah...kada nda makai ti udah laboh nya.

Badu bala ngirup dia, sempat ga KS mai sida lalu ngagai KS Impiana, dah nya KS mai sida ngesip.... sida tu enda nemu diri di ambi aku gambar.

Bala SIDS Betong

Empat iko ari kiba nya sida tu ari Betong berandau ba KS Impiana

Bala kami sebuat ngirup ba 2020

tu meh mija mee ba 2020 rebah, nasib kami sabuat sebedau tu rebah udah datai order kami..enti...enda!!!

bala pekerja ia ngumpul mee ti siuh

sida ngesep ba Yamano salun

gaga amat iatu laban ti di anjong aku ngesip...ia datai ari rumah panjai wai.....



SIDS Miri 20th anniversary cleberations-Part 1

Akai....dai...naka-naka ka nyamai pengawa udah tembu lalu mujur di kerja.  Puji Tuhan ka iring nuan ti ngemata ke semua atur pengawa kami.

SIDS Miri ngintu hari pengada 20 udah di tumbuh ka di Miri.  Maioh macham program di atur ba malam ti ngerami tu.  Malam mantar ianya malam 12-08-2011 hari 5, kami ngambat penatai semua pampang lalu bisi nyambut sida enggau makai malam ba Sea World Seafood.  Tempat Sea World tu pamus -tebilang ba menua kami Miri ditu, itah PM Datuk Sri Najib kitai pun udah makai ba tempat tu.  Malam nya bisi 5 iti pampang ti bisi enggau kami beserumpu makai.

Lalu muak ke hari ti endang di anti kami nya 13.08.2011, tumu pagi aku enggau siko agi bala member ngambat penatai bala SIDS ari Kuching, sida datai kira jam 7.30 pagi, berangkat ari Kuching kena 12.08.2011 pukul 2 ngalih hari.  Bisi 39 iko semua sida ti ngena bus lalu sida ti ngena bilun bisi 7 iko including Datuk Sri Empiang Jabu enggau Datin Gramong Juna seduai Datin Senorita Linang.  Malam nya pengawa kami berengkah enggau ngiring ia ti di pebasa Datuk Sri Empiang enggau rombongan ia masuk ke dewan. Dah nya bala anak Sarakup ngajat nyambut temuai ba panggau.  Kami SIDS Miri bisi belagu choir enggau mega mungkal endalan ngajat beraban maioh, boleh tahan ga kami taja kepai jari bisi enda sebaka.  Arap kami tu ila ulih belajar bebendar agi awaka ka nitih ke gaya ajat bala menyadi ari menua bukai.

Bisi 13 pampang datai ngulu pengawa kami ari merata tempat ba Sarawak ari Kuching nyentuk ke Limbang. Bisi 57 iti mija di jual kami, lalu 3 iti mija lebih kena bala committee members.  Retinya malam dinner nya bisi 600 iko orang.  Rami chukup rami, pengawa di atur nitih ke ripih ti endang udah ba aum bala kami.

Ba pekit ngajat, SIDS Betong menang lumor 1, SIDS Bintulu lumor 2 lalu SIDS Sri Aman lumor 3.  Amat landik pampang tu ngajat, ngarap bala kami SIDS Miri ulih nitih ke pejalai sida tu ila.

Terima kasih ngagai bala ti bisi datai nyukung pengawa kami SIDS Miri, penatai kita endang di kingat ke kami.  Aram meh kitai wai nitih ke pemansang raban indu bansa bukai, betulung meh kitai niri negi ke bansa kitai Iban, begulai enggau kami ngerembai ke gerempung Sarakup Indu Dayak Sarawak Pampang Miri.

Sekeda ari gambar ti bisi di ambi aku maia pengawa malamnya.

SIDS Betong

SIDS Saratok- ti tengah nya TR Juliana Bedus ti nyadi ketuai sida

SIDS Miri meri sida ai aus....chap ah!

Tukang wang SIDS Miri...

SIDS Kuching datai pagi 13-08-2011

Tu tuai sida ngiring ngena bus - Ms Susana

check-in ba Mega hotel

Baju chelum nya SIDS ari Sri Aman, lalu ketengah nya CL SIDS Miri enggau Secretary ia-Mary