Bye-bye September...till we meet next year!

Saritu penudi ia bulan 9, enti nitih ke leka lagu Dunging...tu bulan ngelabuh ke benih...tang ba bulan bansa menyadi kitai China, bulan 9 sepatutnya manah laban baru udah ngelimpas bulan antu rangka......   Ba kami sebilik, bulan 9 ke taun tu enda manah, kabuah aku madah enda manah laban dalam bulan 9 tu kami enda mukai-mukai bisi 2 iko ari bala kami sepetunggal enda di sadang ninggal ke menua injau.  Kenaka 14.09.2011 kami tekenyit ninga berita laki petunggal aku nadai leboh sida menyanak nemuai ke menua. 

Udah nya antara seminggu anak petunggal aku umur 22 taun nadai kena 22.09.2011.  Anak petunggal aku tu mati bujang munyi ba cherita aku dulu ari tu. 

Naka-naka ko penyinu leboh ti di tinggang penusang bakatu, seminu Tuhan endor manggai ngelempai ke semua penusah kami tu.  Aku minta Tuhan meri pengering ngagai petunggal aku ti enyau laki ia lalu mega ngagai petunggal aku ti nyau anak bujang.  Iring embing seduai ia awaka seduai enda limpang ari pengarap seduai ia lalu bepegai teguh arap ke nuan siko aja.

Indai Marshall Ligong

malam ngintu

Apai and Indai Marshall ngiring ia dalam gerija

Eulogy from Marshall sister-Miss Madonna Sendi

Pengidup kitai mensia enda salah-salah baka kalamayang lemai......

Tak nadai ninga berita bukai ba seminggu ti udah. 

Saritu nanda ka seminggu sari anak petunggal aku udah masuk ICU.  Naka-naka ga penyinu ati aku meda ia, it reminds me of my late brother very-very much.  Anak petunggal aku tu nama ia Marshall Ligong Jr, sigat, tinggi, burak and mereti.  Semua utai ti dikedeka indu dara di kemisi ia magang. Umur 23 taun baru graduate.  Tiga minggu ke lalu ia medical check-up semua stidi-OK-grai kenu dutor, SAH nadai darah tinggi, and so on.  Baru abis training HUET & Sea-Survival.  Bagi kita ti enda nemu reti training ti di sebut aku ditu, training tu ke passport orang ti ko gawa ke tasik (offshore jako orang putih). 

Kena 09.09.11 enda mukai-mukai, demam panas - high fever melanda, laban ti laun nganjong diri ke sipital, tudah nyau pedis tulang lalu ngujongka lembut patung, 11.09.2011 ia lalu di bai ke sepital lalu masuk ba wad biasa, dah nya enda lama dia endor ia ti di pindah ngagai wad ICU sampaike saritu ia bedau nemu kitai - COMA!!!! Tuhan beri meh pengering ngagai ia enggau bala apai-indai ia lebuh ti napi pemedis jam ke diatu.  Berkat ke semua Dutor enggau Girl misi ti ngubat ia.

~~~~~~~~~~~~~~~~~~~~~~~~~~~~~~~~~~~~~~~~~~

Sepemulai aku ari spital kena 14.09.2011 kira jam 12 malam.  Baru lelap mata tindok tak tekenyit ninga talipon bedering, di angkat aku nyau ka luput asai, ninga petunggal aku talipon madah ke laki ia STEPHEN JACOB SUNGKING baru udah NADAI di Betong. Sida ia benong kemisi di rumah panjai Betong, baru semalam dah datai. Ka balat ngenusah ke ati nya laki petunggal aku tu nadai di dinga sakit balat, sida tu nemuai bebai ke anak-uchu. Datai di menua chukup pengerindu betemu enggau bala kaban balayan ti lama enda betemu.  Enda mukai-mukai lemai kedua sida di menua endor laki ia tak batuk enda ngetu kira-kira jam 12 malam, di bai ke spital Betong, ba rantu jalai endor ia lalu luput enda ulih di idup ke agi.   Nya meh penusah kami sebilik.  Kami lalu ngatur ngambi tubuh ia pulai ari Betong ke Miri kitu.  Ia di kubur kena 17.09.2011 ba pendam Anglika di Lambir.

~~~~~~~~~~~~~~~~~~~~~~~~~~~~~~~~~~~~~~~~~~

Enti ngenang penusah ti di cherita ke aku datas nya, enda salah-salah baka kelamayang.  Tumbuh mun lemai dah nya peda padam sebedau malam. Amat meh Tuhan ti nentu ke semua utai, nya-alai kitai ti agi idup tu kitai anang enda begulai manah-manah enggau semua orang. Learn to forgive and forget.  Live your Life to the fullest lalu anang enda ingat Tuhan ti ngaga kitai.

Nandu Semaia Tikah antara Tom & Evelyn

Kenaka 03.09.2011 tu tadi aku enggau maioh bala bukai bisi datai ngagai pengerami Nandu Semaia Tikah Thomas Martin seduai Evelyn Storie ti udah begulai enggau pangan chukup 30 puluh taun. Pengawa berengkah ari ba gereja ti di pejadika Rt.Rev. Father Ramden Majem lalu jako Tuhan di kunsi ka oleh Rev. Alfred Damu.  Manah endar jako ia maia nya ti bepelasar ka jagung, tuai agi jagung, kering agi leka ia.  Lalu baka pengerindu kitai, lama agi kitai begulai melaki bini, rindu agi kitai ka pangan lalu tuai agi ga pengelandik enggau penemu ngidup ke diri. Kami ke nembiak tu betaladan ba kita ti tuai keno ia.

Muak ke malam, kami berami ba siti hotel ti tebilang di Miri ditu di ulu indai Tom enggau Evelyn ti sama agi gerai mega bisi datai, anak enggau menantu enggau mega uchu bela datai. Maioh kaban belayan, suku juru enggau bala pangan datai ngulu pengerami tu.  Pengawa sida sebilik tu chukup manah atur ari iring embing Tom seduai Evelyn.  Keno ko Tom, semua pengawa sida sarinya sentuk ke malam endang anak ia 3 iko princess ia ti ngator.  Malam nya, enda alah-alah baka orang ti baru jadi melaki bisi, kuih nikah 4 tingkat lalu ti putong ngena lungga ti kena seduai nikah 30 ti udah agi di simpan seduai manah.  Udah nya nyau puas ti tundi bala pengabang ngasoh seduai ensium pangan diri tang seduai enggai laban keno ko Tom pagi tadi ba gerija udah, tang nya baka sium uchu keno bala ti nyebut.  Siko ari anak seduai niki ngagai panggau lalu ngasoh indai ia ensium apai ia, laban keno ko ia pagi tadi daddy ensium mummy lalu diatu mummy ga ensium daddy, nah...enda meh ulih kenggai keh seduai, sium orang baru jadi ....nyau chapuh bala meda gelagak Evelyn seduai Tom.  Maia paginya Father Alfred bisi nanya Tom nama resipi seduai ti tau begulai sampai ke diatu, malamnya Tom madah...nadai resipi bukai, resipi kami duai keno ia..."TRUST ONE ANOTHER" no matter wherever you are always remember that you are married.  Lalu nyerah ke semua pengawa kitai lalu betuai ke Allah Taala.

Sapa agi next ngintu wedding anniversary, bala pagi nya betanya pangan diri, bisi nya ka ngadu sama-sama enda iboh ke aribulan enda sama tang taun ga sama. Siko pangan aku madah...ka ngintu tang enggai kelalu ditundi bala anak enggai mega kelalu berias nitih ke anembiak...bepatut-patut keno ia...retinya ka simple nitih ke umur.  Bisi pangan KS nanya, ni maia enggi KS...aku nyaut ia, enggi nuan dulu laban taun tu nuan 30 puluh tahun keno aku madah ka ia, ni maia agi deh!! Enggi KS agi lama baru datai ba 30 puluh taun. Arap Tuhan merekat ke KS enggau pengerai awaka ulih datai 30 taun baka enggi Evelyn seduai Tom lalu lebih arinya pun ka. Laban dunya kemaia ari tu, maioh macham ragam mensia, lalu jaoh pejalai siko-siko orang maioh agi mensia di peda, maioh pengawa ti nyelai, nya-alai ngarap Tuhan selalu merati lalu ngerara kitai enti kitai bisi limpang ari pejalai ti di taga ia ke kitai. 

Peda kita sekeda ari gambar ti bisi di ambi aku di kunsi aku enggau kita.

Lydia and Diana Thomas

sebedau besurung tinchin dulu macha renewal of vow-nandu semaia tikah

uchu Tom & Evelyn ti tuai

happy family

Emma and hubby

Shirley and Helen

friends and relatives

mother of the bride (indai Evelyn Storie)

Indai Tom and Indai Evelyn

4 tiers wedding cake

Mdm Itie Paul and Shirley Brooke

Monica and Helen

The Julak's family

seduai tu belagu ngiring apai enggau indai seduai masuk ngagai dewan...very nice song

seduai masuk entudi bala uchu-anak-menantu

youngest guest on the list...Rowena enggau inik glam Rose

Chapuh seminggu............

Leboh kemisi seminggu maia Hari Raya ti baru udah tu tadi, anak bujangssss aku bisi pulai.  Sekumbang kemisi seminggu nya kami menyanak maioh pengawa di kerja sama, ngabang, berapi, betuchi ke rumah, bejalai, haun-haun sebelah menua ditu enggau mega bisi ngabang ngagai Abg Hass (nunda ka jako IEG) di Brunei din. Tak enggai jaoh ari pangan, nya meh CHAPUH!!! belama rumah, rindu endar meda pengawa sida begulai.  Tu udah pulai seduai menyadi kemari enggau pagi tadi, tak nyau sunyi rumah.  

cuti...ngiga belanja...

at Permyjaya BBQ steamboat

40th birthday-Indai Bunyau

ala-ala anak Singh ba kami sarinya sama enggau makai

beef stew...KS resipi aku...

Princess Beb with her friends Audrey and Asha

Raya visit to Lilies house

happy....

Sungai 7 checkpoint, Sarawak border udah di gaga baru..manah amat setanding enggau Brunei checkpoint diatu.