Tak nadai ninga berita bukai ba seminggu ti udah.
Saritu nanda ka seminggu sari anak petunggal aku udah masuk ICU. Naka-naka ga penyinu ati aku meda ia, it reminds me of my late brother very-very much. Anak petunggal aku tu nama ia Marshall Ligong Jr, sigat, tinggi, burak and mereti. Semua utai ti dikedeka indu dara di kemisi ia magang. Umur 23 taun baru graduate. Tiga minggu ke lalu ia medical check-up semua stidi-OK-grai kenu dutor, SAH nadai darah tinggi, and so on. Baru abis training HUET & Sea-Survival. Bagi kita ti enda nemu reti training ti di sebut aku ditu, training tu ke passport orang ti ko gawa ke tasik (offshore jako orang putih).
Kena 09.09.11 enda mukai-mukai, demam panas - high fever melanda, laban ti laun nganjong diri ke sipital, tudah nyau pedis tulang lalu ngujongka lembut patung, 11.09.2011 ia lalu di bai ke sepital lalu masuk ba wad biasa, dah nya enda lama dia endor ia ti di pindah ngagai wad ICU sampaike saritu ia bedau nemu kitai - COMA!!!! Tuhan beri meh pengering ngagai ia enggau bala apai-indai ia lebuh ti napi pemedis jam ke diatu. Berkat ke semua Dutor enggau Girl misi ti ngubat ia.
~~~~~~~~~~~~~~~~~~~~~~~~~~~~~~~~~~~~~~~~~~
Sepemulai aku ari spital kena 14.09.2011 kira jam 12 malam. Baru lelap mata tindok tak tekenyit ninga talipon bedering, di angkat aku nyau ka luput asai, ninga petunggal aku talipon madah ke laki ia STEPHEN JACOB SUNGKING baru udah NADAI di Betong. Sida ia benong kemisi di rumah panjai Betong, baru semalam dah datai. Ka balat ngenusah ke ati nya laki petunggal aku tu nadai di dinga sakit balat, sida tu nemuai bebai ke anak-uchu. Datai di menua chukup pengerindu betemu enggau bala kaban balayan ti lama enda betemu. Enda mukai-mukai lemai kedua sida di menua endor laki ia tak batuk enda ngetu kira-kira jam 12 malam, di bai ke spital Betong, ba rantu jalai endor ia lalu luput enda ulih di idup ke agi. Nya meh penusah kami sebilik. Kami lalu ngatur ngambi tubuh ia pulai ari Betong ke Miri kitu. Ia di kubur kena 17.09.2011 ba pendam Anglika di Lambir.
~~~~~~~~~~~~~~~~~~~~~~~~~~~~~~~~~~~~~~~~~~
Enti ngenang penusah ti di cherita ke aku datas nya, enda salah-salah baka kelamayang. Tumbuh mun lemai dah nya peda padam sebedau malam. Amat meh Tuhan ti nentu ke semua utai, nya-alai kitai ti agi idup tu kitai anang enda begulai manah-manah enggau semua orang. Learn to forgive and forget. Live your Life to the fullest lalu anang enda ingat Tuhan ti ngaga kitai.
Cousin papatupai accident before Raya. Mula masuk manah dalam wad biasa. Telih ba kening aja. Makin lama makin layu. Masuk ICU alu pengenyau ya.
ReplyDeleteEtE, bisi aku betemu enggau PapaTupai sama InikTupai ba ICU malam nya. Kasih amat neh.
ReplyDeleteBa iya wai EtE & KS... pandak jako ma ninga berita pemati.. ngenang orang ke di tinggal.
ReplyDelete