SIDS 1st Handycraft Projek 2012

Sepengudah kami ti bisi begempuru baum ti keterubah ba taun tu kami berandau ke langgur pengawa ti deka di kerja dalam taun 2012 tu, dia semua komiti betanya ngagai pangan diri nama projek ti deka di gaga ti tau mai pemansang lalu mega tau nyerekat ke bala raban indu SIDS awaka besemak agi saum penemu, begulai gawa enggau pangan diri.  Kami lalu besemaia deka begulai ngaga Marik Empang tauka Tangu.  Projek tu berengkah ari 21.01.2012 lalu kami di beri Pengajar peluang dua bulan endur ngaga.  Kami tembu projek tu minggu ti udah lalu nya 10.03.2012. 

Tak genap lemai meh bala kami ti bisi kerja tu bisi homework, genap lemai endang looking forward to a free time laban ti enggai keh enda tembu dalam 2 bulan.  Bisi 30 iko bala kami, bisi tembu dalam kandang 2 minggu, bisi tembu dalam kandang 1 bulan lalu mega bisi tembu ngam-ngam 2 bulan.  KS, bisi enggau belajar, lalu enggi KS tembu exactly 2 months.  Sekeda ari kami ti serta belajar nya diatu nyau bisi ngaga ia ti kedua (second piece). Belajar ngaga tu mesti ka sabar, laban ti enda tentu meda, asai ti kena peda nyau pengujung buah ia peda bisi salah, nyau di rumpang ga. KS laban ti endang enda kala meda orang ngaga and this is the first time in my life meda orang ngaga tu berengkah ari pun sampai ke tembu.  Puas ati aku laban udah tembu siti, bisi ga kena bala anak dara aku ila.  Enti bisi peluang ka ngaga baru awaka bisi di simpan sida anak-menantu KS jemah ila.

Terima kasih ngagai pengajar kami Puan Loretta Dungkong ti udah bebendar ngajar bala indai-indai.  Nyau ka semua bala indai-indai ti belajar ngena chermin mata laban ti enda meda, sekeda abis salah tang enda ngawa semua kami datai ba adan bela bisi utai di bai pulai.  Terima kasih mega ngagai Chairlady SIDS Pampang Miri Puan Jenny Jeli ti ngemendar ka starter kits pree di beri ngagai bala kami.  Kediatu, agi bisi bala belajar ngaga marik tu, barang sapa ti ka enggau belajar tau datai ngagai Agnes Craft centre ba Saberkas area, starter kit nadai agi di beri tang nya ukai nyadi penanggol enti ka belajar.  Boleh di runding-runding.... 

Peda kita gaya pengawa kami ba gambar ti di baroh nya:

specially made by Kumang Sedinang

proudly showing off my self made marik empang@tangu

starter kit ka semua pelajar

ari keterubah...tu meh gaya

ia ti baju merah nya Pengajar kami

begulai ngaga pengawa kunsi penemu

homework mesti ka tembu...KS di rumah

V/Chairlady Puan Cathering C & ex SIDS Treasurer

Pengajar, Advisor SIDS enggau Asst. Treasurer SIDS sama-sama bisi enggau belajar

bungai keterubah

tu bungai kedua kami