Munyi ke udah di padah ke aku dulu aritu, kami sebilik pulai ke menua minggu ti udah lalu tu tadi laban ti bisi pengawa merekat ke kubur NIANG indai enggau menyadi Tuai kami. Pengawa kami mujur amat di kerja lalu bala pangan, kaban bela datai. Terima kasih ngagai bala ti bisi datai enggau sarinya lalu mega ngagai bala pangan-kaban ti enda ulih ngenatai kediri setegal ari penanggol ti bukai, nadai ngawa laban pengawa kami sekali tu nya pengawa lantang. Sembiang MASS paginya olih Rt. Reverend Stephen Ngabong enggau bala raban Anglican Youth from St.Peter Church, Saratok. Terima kasih ke penatai kita semua.
Pesan aku ngagai semua bala kaban belayan, pangan, sukujuru ti ngelala niang tu, taja pan indai-apai-menyadi tuai kami nadai agi, kita anang ngelengka ke kami, datai meh nemuai baka selama napat ke bilik penaik kami di Gensurai baka ke udah, penatai kita endang di anti, endang di terima enggau basa ti naka ulih kami.
Terima kasih ngagai Tuhan laban ti udah meri hari ti pemadu manah sekumbang ti nyendia ke semua utai sebedau pengawa nyadi enggau mega ba hari ti udah di tetapka. Minta Tuhan merekat ke semua kita enggau pengelantang tubuh, ati enggau semangat awaka kitai sama-sama gerai nyamai nguan menua. Sampi tu dipinta dalam nama Tuhan Jesus Kristus, Tuhan ti nyadi juruselamat kitai.
Sekeda ari gambar bisi di ambi aku di baroh tu:
 |
| After the blessing |
 |
| Family members |
 |
| Family members |
 |
| MASS by Rt.Rev Father Stephen Ngabong |
 |
| Receive Holy Sacrement from Father Stephen Ngabong |
 |
| KS with family members |
 |
| Family members with YB-Snowdan Lawan |
 |
| Buffet Lunch at the ruai |
No comments:
Post a Comment