Pre-Gawai Dinner 16th May 2011 at Eastwood Valley Golf & Country Club

Pejam chelik-pejam-chelik keh mata tak datai ba tengan taun endor kitai ka nyambut hari gawai. Di nengeri endang selalu tumu pengerami hari gawai tu diatur laban maioh agi bansa kitai Iban pulai ke menua nyambut hari gawai lalu tambah mega cuti anembiak skula serentak sekali enggau gawai. Taun tu Dayak Association Miri - DAM nyadi tuai Gawai, lalu makai malam bisi diatur ba hotel kena ka 16.05.2011. Maioh macham main bisi di atur kena ngerami hari Gawai tu lalu siti ari pengerami ti enda kala di tinggal keh nya pekit Kumang enggau Keling. 

This is the second year, KS was given the honour to be the judge for Iban category and Chief Judge for all categories representing Dayak Association Miri and Serakup Indu Dayak Sarawak. Terima kasih ngagai DAM & SIDS ti udah meri aku peluang enggau pengarap nyadi akim.  Ka 7.5.2011 ti udah lalu bisi 17 iko Indu Dara kitai Iban ti diau di Miri ditu bisi enggau bepekit ba pusin ti terubah.  Ari 17 iko nya, 6 iko di ambi ngagai pusin ti penudi.  Bansa kitai Orang Ulu (Kayan-Kenyah-Kelabit) sida bisi 18 iko lalu mega 6 iko ari sidanya masuk pusin ti penudi.  Sama mega bala menyadi kitai ti bansa Bidayuh.  Keling bisi 9 iko lalu 6 di ambi ngagai pusin ti penudi.  Pedis pala merening pemajik gamal semua 50 iko semua ti minta pilih nya.  Ba pusin ti keterubah, semua akim diasoh milih ba 4 iti ketegeri nya milih sapa ti nyadi finalist. 

Kumang Gawai 2011 nya Valintine Hallyza Stephen, Lulong Elizabeth Gia Amin lalu Selinggar Matahari Shandra Petrus Julin.  Tusah amat milih sida tu, semua BAJIKSSSSS magang and ngena ngepan ti pemadu manah.  Tang laban adat bepekit bisi menang bisi alah, nya-alai taun ti bukai ngagai kita ti bedau bulih Kumang, anang enda nguji baru.  Baka Kumang 2011 ia udah nguji kediri taun 2010 lalu ia bulih lumor 2 lalu taun tu ia bulih Kumang.

 

Kain Tenun by sis Umang

KS, Cikgu Regina and Puan Julia

Sis & KS

KS with SIDs members

Lulong ngena lumor 4 & Selinggar Matahari ngena lumor 2

Kumang ngena plat lumor 5

Iban judges: Bridgett Donald from Kuching, Puan Regina & KS



KELING-Julian



Sempurai - Kemmy

Bungai Nuing-all the way from Nanga Banga - Baram

tusah amat milih sida tu, gap magang

Angela, KS, Lyn (ex Kumang 87) & Puan Cil

KS, Puan Regina and Judges from Orang Ulu

kami sebilik

sida sepetunggal

VIP table, sitting next to KS is Puan Sri Empiang Jabu and last right is SIDS Pampang Miri CL Puan Jenny

Chief Judge for Orang Ulu Puan Rose, KS, Bridgett and Puan Regina

Ngagai semua bala Akim, rindu begulai enggau kita, arap betemu baru enggau kita.

Ngagai Kumang, pesan aku, jaga pendiau diri, jaga nama, anang ngicha kediri lalu bepegai teguh enggau adat resam enggau basa kitai bansa. Pendiau kitai baka buah di peda ari langgu, baka lagu ari bunyi. Adat enggau Basa anang enda di pegai belama.

Ai surut nagan belat,
Bulih sekati undang begalah,
Agi idup dikandung adat,
Udah mati dikandung tanah.

Pagi Lemai makai di kedai,
Sayur bechampur ikan semilang;
Tu' nyau datai Hari Gawai kitai,
Nama program nyambut pengabang?

Selamat Gawai ngagai semua, Gayu Guru, Gerai Nyamai, Betuah belimpah, Panjai umur nguan menua. Uha.....ha...ari KS enggau kami sebilik.