Hujan yang turun bagaikan mutiara.....nya lagu Sudirman in 80's ti selalu di kerindu ke aku selama-lama tu. Bakanya mega kemari...hari ujan enda ngetu sari-ari tang taja ujan kami sebuat nitih ke janji betemu makai tengahari ba sebuah hotel nya enda lebu, bala kami bela datai nitih ke jam ti di tetapka. Bisi pangan aku ari Saudi Arabia datai nemuai enggau mega bala pangan ti endang diau di Miri ditu taja semak tang jaoh, lama ga enda betemu enggau sekeda. Serimbai enggau tu mega siko ari bala kami ditu ngintu hari babyday...nama di anti agi terus intu sama, makai sambil berandau, maioh macham cherita ti ngasoh ketawa. Peda hari nyau kul 1.30, apoo ko siko ari bala kami...enda pulai kitai tu, lagi di buai orang kerja......enggai endar beserara maianya laban agi rindu berandau tang laban jam tak mengizinkan keno jako orang, nya meh kami lalu mulai kediri.
Ngagai pangan aku Indai Boy...selamat ari pengada wai, arap Tuhan merekat ke hari nuan saritu enggau ke ila-ila, merekat ke pengerai tubuh enggau semengat nuan, betuah belimpah ari taun ke udah, bulih duit bulih ringgit.
Terima kasih ngagai semua ke ulih ngenatai kediri, arap kitai betemu baru berandau besulu begempuru beserumpu begulai ngerja pengawa bekunsi ke penemu awaka ulih ngemansang ke pendiau kitai.
 |
| posing satu kemestian |
 |
| lama enda betemu ko...sida tu..... |
No comments:
Post a Comment