Pengerami Gawai 2011 Bagi 1

Gawai Taun 2011 ba menua pengerami lebih ari taun ke udah-udah. Berengkah ari 29.05.2011 ngagai malam mantar Gawai nya malam 31.05.2011- Gawai Eve terus ngagai Hari Gawai ti endang di anti kitai maioh. Pengawa-pengerami sampai ngagai 04.06.2011 endang enda ngetu almost every night it last till dawn.  Maioh macham pekit di bisi di pekitka.  Bisi bala ngena peluang Gawai tu mega ti baru begulai melaki bini beterang ba rumah panjai. Kami bisi pekit Kumang enggau Keling Gawai. Pekit tu bisi dua bagi, anembiak ari umur 6-11 taun enggau 12-18 taun.  Kami mega bisi pekit Ngajat kena ngerembai ke main asal bansa kitai Iban ngagai bala anembiak.  Bisi pekit pemanah ruai di iyas enggau macham perengka lama, pekit poco-poco, coloring contest ke bala indai-inik ari umur 55 tuan ke atas enggau pekit main bukai ke bala anembiak.  Kami mega bisi nyua ke pemberi ngagai bala-bala anak ti sekula ti bulih result ti manah ba UPSR, PMR, SPM & STPM.  Semua program tu di atur bala gerempung anembiak (youth club) ba rumah panjai kami.  Maioh macham prais di sediaka. Sekeda ari pemaioh gambar ti bisi di ambi KS maia pengerami nya di kunsi aku ditu.

Mantar Gawai - Ngalu Petara sebedau jam 12.00 tengah malam

KS sama enggau ngalu petara - baju biru nya Mrs. Isek Utau and baju purple nya pangan rumah panjai KS.

Princess KS enggau pekit ngajat...bulih lumor 3

Bala sida anak belajar begendang - group semadi nadai

sekeda ari sida ti enggau pekit kumang, ia ti tinggi agi ari kanan bulih gelar KUMANG GENSURAI

Enda tau enda enggau keno bala sida tu, KS enggau betanding poco-poco, group tu ngari ke bilik sepiak kami

Tu baru ngari ke bilik kami, nama group kami SWEET 17, kami bulih JUARA..yea..yea..yea

Gensurai.....model sebedau bejalai ngabang ngagai rumah bala pangan

Tu di ambi ba bilik sida ibuk KS di Krangan Pinggai

Tu rumah orang PELANDOK-PAKU, peda kita pemanah dik-ceiling sida, chukup manah rumah orang tu tang tak baka ke di sapu nadai orang ba ruai tengah hari nya kami ti kia. 

KASHIHHH amat ngut-ngut tu, enti salah ari ka di sembelih keno....