Kenaka 8th October 2011 tu tadi, gerempung SIDS Pampang Miri nerima pemberi mata wang ari kompeni minyak di Miri. Pemberi tu kena SIDS ngerembai ke pejalai sida nulung nyukong anembiak ba menua pesisir ti nguna ke bantu baka bebeli ke surat enggau perengka skula ti bukai. Tambah mega duit ti di beri kompeni tu kena gerempung tu nulung bala indai tunggal "IBU TUNGGAL" ti nguna ke bantu leboh sida ti tusah maia anak ti ka nurun skula ngagai peringkat ti tinggi agi. Kediatu, gerempung SIDS Miri bisi ngiru skula SK Tudan, nulung skula tu mayar tuition ke bala anak kitai Iban ti kurang penatai pemisi. Tu siti ari pengawa ti benong di pejalai ke gerempung tu.
Pesan aku ngagai bala indu Iban kelebih agi di kawasan Miri, aram meh kitai wai sama nyingkang sama mansang ngerembai ngemesai ke gerempung tu awaka tau mansang besai agi lalu di kelala semua bansa baka gerempung indu bukai ti bisi di Malaysia ditu. Diatu bisi lebih 10 ribu member udah ngerijista diri ba gerempung tu di seluruh Sarawak lalu di Miri bisi 500 lebih member. Kami nguna bantu kita nambah ka raban ti udah bisi diatu. Enti kita ka nemu lebih agi pasal gerempung tu tau betanya ngagai aku tauka kaban aku Sabugey ba: http://sabugay.blogspot.com/
 |
| KS ngari ka Sarawak Shell Bhd nyua ka cheque ngagai SIDS Chairlady Pampang Miri ba Agnesia Craft Centre (kedai siko ari raban SIDS ti udah mujur dalam bisnes). |
No comments:
Post a Comment