Leboh KS ti bisi bejalai ngagai Catscity@Miaw-miau City apin lama ti udah, KS betemu enggau pangan lama KS. Sekumbang kami duai ti udah beserara badu skula 30 puluh taun udah, masing-masing ngemai pejalai diri empu, nadai bekuntik nadai besurat nya meh baka api dian ti padam, ukai baka kemaia ari tu kitai bisi tali alau di ma kin kitu. Maia skula kelia kami duai duduk betunda udi, lalu begulai ngereja semua pengawa skula. Very best friend indeed. Kami duai betemu ba rumah kajen KS ti bisi penusah, ia dulu meda aku lalu ngelala laban kami duai ti bisi betemu ba MUASURAT - FACEBOOK, nya nyamai ngelala pangan diri. Keno ko ia..ari jaoh ia nitih-nitih ke aku, nitir baka manok, nyau bisi peluang tudah laban orang ti semak aku duduk nya udah angkat, dia ia lalu ngena peluang nya duduk ngimbai aku. Nya meh randau kami duai semalam nya chukup macham randau, nyau baka intinit kami duai ngelepar kin kitu randau enggau ketawa.
 |
| Josephine (30yrs udah enda betemu), Cousin Endat and KS |
No comments:
Post a Comment